Smyrsli og stílar
Xyloproct endaþarmssmyrsli og endaþarmsstílar innihalda tvö virk efni (lídókaín og hýdrókortisón) sem verka á ólíkan hátt.
- Hýdrókortisón dregur úr bólgu. Lídókaín dregur úr verkjum og kláða.
- Xyloproct er notað til meðferðar við gyllinæð og yfirborðslægri ertingu í endaþarmi hjá fullorðnum.
Endaþarmssmyrsli
Borið á endaþarmsop og húðina umhverfis það einu sinni eða oftar á dag. Hægt er að nota endaþarmssmyrslið við sársauka við hægðalosun. Nota má allt að 6 grömm af endaþarmssmyrsli á sólarhring. Auðvelt er að þvo endaþarmssmyrslið af með vatni. Hlífðarþynnan á stút túpunnar er götuð með því að þrýsta túpulokinu gegnum hana.
Ekki á að veita meðferð lengur en í 3 vikur.
Endaþarmsstílar
Einum endaþarmsstíl er stungið í ysta hluta endaþarmsins kvölds og morgna og eftir þörfum eftir hverja hægðalosun. Stinga á endaþarmsstílnum inn með slétta endann á undan.
Mikilvægt er að endaþarmsstíllinn haldist á sínum stað þar til hann hefur bráðnað. Nota má allt að 5 endaþarmsstíla á sólarhring.
Ekki á að veita meðferð lengur en í 3 vikur.
Ekki má nota Xyloproct ef um er að ræða ofnæmi fyrir lídókaíni, hýdrókortisóni eða einhverju öðru innihaldsefni lyfsins.
- Gyllinæð myndast oft vegna undirliggjandi hægðatregðu.
- Fylgja á nákvæmlega ráðleggingum um skömmtun, þar sem stærri skammtar geta valdið fleiri aukaverkunum.
- Leitið til læknis ef einkenni hafa ekki batnað eftir 2-3 vikna meðferð með Xyloproct.
- Ef erting eða blæðingar koma fram í húðinni umhverfis endaþarmsopið á að hætta meðferðinni og hafa samband við lækni.
- Forðast á að lyfið berist í augu. Eftir notkun á að þvo hendur vandlega.
- Ef þú ert með porfýríu (arfgengur efnaskiptakvilli) þarft þú að ræða við lækni áður en meðferð með Xyloproct er hafin.